На ден 5 јануари 2026 година, во приквечерието на Бадник, во МПЦО „Свети Георгиј и Пресвета Богородица“ во Епинг, се одржа масовно и свечено честување на Коледе, во духот на македонската православна традиција.
Посебна радост и благослов на настанот му дадоа децата, кои со чиста и искрена радост го навестуваа Рождеството Христово, пеејќи коледарски и божиќни песни, пренесувајќи ја радосната вест за Христовото раѓање. Нивната песна одекнуваше како жива благовест, исполнувајќи ги срцата на присутните со духовна топлина и надеж.
На прославата присуствуваше многуброен верен народ, кој заеднички учествуваше во радосното очекување на големиот празник Рождество Христово – Божиќ, сведочејќи за живата вера и непрекинатиот континуитет на црковниот и народниот живот во дијаспората.
Кумови оваа година беа фамилија Ставрески.
