Граѓаните на улица – советниците во град Скопје, Екологистите ја добија првата битка за почист воздух. Советот на градот даде зелено светло за дислокација на Цементарницата Усје. По 13 часовна дебата, советниците едногласно усвоија мерки за поголема контрола и постапка за остранување на Усје.
Град Скопје даде зелено светло, но на потег е Владата. Премиерот Мицковски изјави дека евентуалната дислокација и контролите на УСЈЕ – не претставуваат проблем за централната власт.
Иницијативата во советот на градот Скопје ја поднесоа од Зелен хуман град. Оттаму за ТВ 24, велат дека ќе го следат секој чекор и активност на градските и централните власти – поврзани со последните ветување на цементарницата Усје.
Додека советниците дебатираа – граѓаните со блокади пред цементарницата побара итно и неодложно затворање на УСЈЕ.
Од ДОМ ја поздравија првата правна битка за УСЈЕ, која за нив ќе биде сложена и долга. Додека трае процесот побараа јавен мониторинг во реално време, временско поместување на ремонтите – како и засилени инспекции и современа опрема за мерења.
Цементарница пак ги отфрли обвинувањата дека е главен виновник за загадувањето. Компанијата тврди дека работи согласно сите стандарди на ЕУ.
