Историјата се пишува кога традицијата ќе ја допре иднината.
Има моменти кога песната не се слуша само со ушите, туку и со срцето. За првпат досега, македонската народна песна синоќа ја исполни до последно место салата „Борис Трајковски“ и ги наполни македонските срца.
Она што со децении беше недостижно за македонските пејачи на народни песни и инструменталисти, Влатко и Златко Миладиновски го направија реалност.
Со автентичност, посветеност и длабока љубов кон македонската песна, браќата
Миладиновски докажаа дека нашата традиција има сила да стои рамо до рамо со најголемите регионални музички имиња.
Големите сали повеќе не се резервирани само за српските и хрватските ѕвезди, тие сега станаа и дом на македонската душа.
Овој концерт не беше само музички настан, туку победа на традицијата, доказ дека коренот е жив и дека народната песна има публика, сила и иднина.
Длабок поклон и јавна честитка до браќата Миладиновски за овој историски подвиг што ќе се памети и за трагата што ќе остане запишана во македонската музичка историја.
Пишува: Јове Кекеновски
