Новак Ѓоковиќ сподели како пензионирањата на Роџер Федерер и Рафаел Надал влијаеле врз него.
– Животот е прекрасно патување и мислам дека секој од нас треба да ја раскаже својата единствена приказна и да не копира никого друг. Го велам ова затоа што се обидував да бидам некој поинаков кога се обидував да успеам. Се обидував да бидам некој што луѓето ќе го сакаат. Се обидував да бидам некој поинаков, некој позабавен. Секогаш сум го правел тоа. Затоа што луѓето не ме гледаа како трет играч. Ерата Федерер-Надал беше толку моќна што немаше место за трет играч во нивното соперништво. Но, јас го создадов тој простор. И беше неверојатно. Ја создадовме ерата на Големата тројка. Кога Федерер и Надал се пензионираа, дел од мене исто така си замина. Затоа морав да најдам нови извори на инспирација. А причината зошто продолжувам да играм тенис е, делумно, желбата да видам колку високо можам да ја подигнам летвата избирајќи го својот пат, изјави Ѓоковиќ.
